KOKAPENA
BBK Klima, Busturia
DATA
2012-2026
LANKIDETZA TALDEA
ERABI tecnología audiovisual, SL, AKI D, SL. , Precom, S.L.
JARDUERA
BBK Klimako domo geodesikoa baliabide sentsorial anitzen bidezko esperientzia immertsibo batez hornitutako espazio bat da. Ikus-entzunezko teknologiarik aurreratua eta eraikuntza-prozesu erabat industrializatu eta jasangarria uztartzen dituen tokia da, tokiko materialen eta ingurumen-inpaktu txikikoen erabileran oinarritua.
Esperientzia immertsiboak hainbat teknologia konbinatzen ditu, hala nola kalitate handiko fulldome format proiekzioa, zoru haptiko bibratzailea, haizearen efektu atmosferikoak, usain sinkronizatuak eta soinu inguratzailea. Proiektuaren eskakizun tekniko guztiak modu optimoan integratzeko asmoz, geometria geodesikoko arkitektura-objektu baten aldeko hautua egin da azkenean.
Egitura mota hauek, beren gaitasun autoportanteari eta piezen tamaina zein arintasunari esker, eraikuntza erraza ahalbidetzen dute. Horregatik, tailerrean aurrefabrikatzeko sistema bat garatu da domoa estandarizatu ahal izateko, BIM metodologian oinarritua, ondoren bertan muntatu ahal izateko. Lan-prozesu hau funtsezkoa izan da elementu guztiak mihiztatzeko; izan ere, BIM modeloa prototipo digital perfektu bat izan da, obra aurretik muntaketako eta teknikako gatazka guztiak aurreikusteko.
Ingurumen-inpaktuari dagokionez, egurra hautatu da material nagusitzat, baliabidearen hurbiltasunagatik, haren erauzketa eta lanketak eskatzen dituen emisio murriztuengatik, eta erabat lehorrean lan egitea ahalbidetzen duelako, ur-kontsumorik gabe ia. Hasieran erronka bat izan bazen ere, azkenean egurra aliatu onena gertatu zen, xurgatze-propietateengatik eta bideratzeko erraztasunagatik.
Adibidez, zoru bibratzailerako pinu laminatuzko egitura bat sortu da, pinuzko kontratxapatuzko panel batzuei eusten diena. Panel horiek dira bibrazio sinkronizatuaren sistemari atxikitzen zaizkionak.
Proiekzio-sabaiaren kasuan, DMzko egitura autoportante bat da, forma esferiko perfektuko igeltsu-kartoizko sabai faltsu bati eustea ahalbidetzen duena. Forma horrekin eraikitzen dira tailerrean “atala” edo “gajotxoak”, eta ondoren obra lekura eramaten dira. Haren ezarpena lehorrean egiten da.
