Sistema modularrak inguratzaile termikoaren konfigurazio anitzak hartzen ditu: zoruko eta estalkiko moduluak, fatxada opakoak eta fatxada gardenak. Azken horietan, orientazio bakoitzera egokitutako eguzki babesak, fatxada‑baratze bertikalak edo sistema fotoboltaikoak bezalako gailuak txertatzeko aukera dago, eraikinaren errendimendu energetikoa eta pertsonalizazioa handituz.

Eraikinak, gainera, Ugaitz Gazteluk (View Arkitektura) bere doktorego‑aurreko ikerketetan garatutako ur‑Trombe horma sistema integratzeko prestatuta dago. Sistema hau hegoaldeko fatxadan kokatutako eskailera‑dorrea aprobetxatuz ezartzen da, eta eguzki‑energia metatzeko gaitasuna du: fatxada garden batean ura berotzen du, eraikinaren ur bero zerbitzua hornituz eta, aldi berean, aireztepn sistemari aurretratamendu pasibo bidez airea berotzen dion. Aire hori, gainera, putzu kanadiar baten bidez igarotzen da, eraginkortasun termikoa areagotuz.

Azkenik, etxebizitzek MIT Media Lab CityHome sistemaren integrazioa ahalbidetzen dute, espazio lehorren konfigurazio aldakorrak sortzeko modulu mugikorren bidez. Horrela, unitate bakoitza espazio dinamiko bihurtzen da, biztanleen behar aldakorretara egokitzeko gai dena, azalera eraikia handitu beharrik gabe.